Anëtarësimi i Ukrainës në NATO do të kënaqte interesat e Kievit dhe Moskës, sepse do të pengonte Ukrainën të përdorte forcën në mosmarrëveshjet e ardhshme territoriale, tha ish-sekretari amerikan i Shtetit Henry Kissinger në një intervistë të botuar në edicionin e sotëm të The Economist.
– Tani Ukraina është vendi më i armatosur në Evropë me një qeveri që ka përvojën më të vogël strategjike në Evropë, vuri në dukje Kissinger.
Diplomati amerikan beson se në fund të konfliktit, Ukraina mund të kthejë të gjitha territoret që humbi pas 24 shkurtit 2022, përveç Krimesë, të cilën, siç tha Kissinger, Rusia do ta mbajë.
Sipas tij, një zgjidhje e tillë, në të cilën Rusia fiton diçka dhe humb diçka nga të pushtuarit, mund të jetë burim pakënaqësie si në Rusi ashtu edhe në Ukrainë.
Detyra aktuale është t’i jepet fund armiqësive, jo të vendoset “skena për raundin tjetër të konflikteve”.
– Ajo që evropianët po thonë tani, për mendimin tim, është jashtëzakonisht e rrezikshme. Ata thonë se ne nuk e duam Ukrainën në NATO, sepse ata janë shumë të rrezikshëm, ndaj armatoseni ukrainasit dhe jepuni atyre armët më të avancuara, tha Kissinger.
