Nuk ka vetëm asfalt elektoral, por edhe tendera 20 milion euro për monitorim të trafikut rrugor, ku kontratën prej gati 20 milion euro për ndërtimin e 200 km të parë të Qendrës së Monitorimit të Trafikut, e ka fituar një bashkimi operatorësh të udhëhequr nga “MC NETWORKING” të Endri Meksit, tndërkohë që subjektet e tjera garuese janë përjashtuar të gjitha për shkak të mungesës së dokumentacionit.
Sipas dokumenteve të ARRSH në tenderin për fazën e parë të qendrës së monitorimit të trafikut kanë marrë pjesë 6 subjekte garues. Fitues është shpallur bashkimi i operatorëve i përbërë nga “MC NETWORKING”, “INTETRA ELEKTONIK” dhe “GJOKA KONSTRUKSION” me një ofertë prej rreth 19 milionë euro.
Konkurrenca për këtë tender ka qenë e lartë me kompani të afërta me Qeverinë Rama si Salillari, Gener 2 që kanë kërkuar të marrin tenderin miliona euro.
Faza e parë për ngritjen e Qendrës së Monitorimit të Trafikut Rrugor, për një gjatësi 200 km, parashikon monitorimin me kamera të trafikut në rrugët nacionale nga Tirana deri ne Vlorë, si dhe akset Tiranë-Elbasan dhe Tiranë- Rinas.
Dhënia e kontratës së majmë për konsorciumin pjesë e së cilit “Mc NETWORKING ”, bëhet para zgjedhjeve lokale ku jepet tenderat për qëllime politike dhe mediatike.
