Të arrestuarit po hetohen për bashkëpunim në aktivitete kriminale, mashtrim ndaj organeve publike, pastrim parash, lëshim dhe përdorim faturash për transaksione që nuk ekzistojnë dhe shmangie përmes skemave të mashtrimit ndaj pagesave tatimore.
Operacioni çoi në arrestimin e dhjetë personave, pasi dyshohet se janë lëshuar fatura false për dhjetëra milionë euro, të përdorura jo vetëm për dokumentimin e punimeve ndërtimore që nuk janë kryer asnjëherë për organet tatimore, por edhe për pastrim të ardhurat e veprimtarisë së paligjshme, për një shumë prej të paktën një miliardë e gjysmë euro.
Hetimet nisën nga një raport i ‘Njësisë së të Ardhurave Speciale’ të policisë financiare të Romës. Hetimi i nisur prej muajsh përfshinte 37 të dyshuar dhe 68 kompani.
“Kjo sasi gjigante kreditimi tatimor – shpjegohet nga policia financiare e Astit – ishte krijuar vetëm në letër, mbi të gjitha falë punës së një llogaritari me zyra në Vomero të Napolit dhe një bashkëpunëtor të tij të ngushtë, një shtetas shqiptar, me zyra në Schio (Vicenza). Duke përdorur numrat e TVSH-së të regjistruar kryesisht për të nominuarit, paditësit kanë futur të dhëna të pavërteta në sirtarët tatimor të Agjencisë së të Ardhurave”.
Kontabilisti i përfshirë është Enrico Maria Giuffrida, 55 vjeç, banor në Mondragone, me zyrë në periferi të rrethit Vomero në Napoli. Kontabilisti italian përfundoi në burg ashtu si edhe eksperti shqiptar i taksave Robert Arapi dhe ndërtuesit Eduard Sinani dhe Dashnor Lushnjari. Tre italianë të tjerë janë nën arrest shtëpiak: Ciro Ioviero, Vincenzo Polverino dhe Salvatore Brusco.
