Një plagosje me thikë ka ndodhur në Vlorë, ku mësohet se një i ri ka qëlluar një 52-vjeçar për motive të dobëta.
Sipas policisë, ngjarja ndodhi rreth orës 15:30, në lagjen “Partizani”, ku A. M., 33 vjeç, ka plagosur me thikë, G. S., 52 vjeç, i cili ndodhet në spital, nën kujdesin e mjekëve.
Nga ana tjetër, autori është kapur nga policia.
Njoftimi i policisë:
Vlorë
Plagosi me mjet prerës (thikë), një 52-vjeçar, kapet pas një orë ndjekjeje nga shërbimet e Policisë, 33-vjeçari, autori i dyshuar i plagosjes.
Sot, rreth orës 15:30, në lagjen “Partizani”, Vlorë, dyshohet se pas një konflikti për motive të dobëta, shtetasi A. M., 33 vjeç, ka plagosur me mjet prerës (thikë), shtetasin G. S., 52 vjeç, i cili ndodhet në spital, nën kujdesin e mjekëve.
Falë reagimit në kohë dhe veprimeve të shpejta policore, pas një orë ndjekjeje, shërbimet e Policisë bënë të mundur kapjen dhe shoqërimin në ambientet e Komisariatit të Policisë Vlorë, të autorit të dyshuar të ngjarjes, shtetasit A. M., me qëllim kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të kësaj ngjarjeje.
