Shefi i Shtabit të Përgjithshëm të Ukrainës, Valerii Zaluzhnyi, njoftoi se 16 nga 36 raketat që ushtria ruse lëshoi mëngjesin e sotëm u shkatërruan.
Ai vuri në dukje se forcat ruse në orët e para të mëngjesit kanë kryer sërish sulme raketore.
“Ushtria ruse ka lëshuar gjithsej 36 raketa nga ajri dhe deti”, tha Zaluzhnyi i cili shtoi se 16 prej tyre u shkatërruan nga forcat e mbrojtjes ajrore të Ukrainës.
Në rajone të ndryshme të Ukrainës vazhdojnë të bien sirenat e alarmit për sulme ajrore.
