Sekretari i Përgjithshëm i Partisw Soscialiste, Damian Gjiknuri deklaroi në emisionin Barometri në Euronews Albania se synojnë të marrë 45-55 bashki në zgjedhje lokale në zgjedhjet e 14 majit.
“Ne nuk biem poshtë 45 bashki. Por ajo që ne synojmë është nga 45-55 bashki, këtu do jetë kufiri që pretendojmë duke marrë parasysh edhe situatën politike në vend, sondazhet, imputi nga strukturat tona elektorate dhe gjendja e opozitës”, tha Gjiknuri.
Gjiknuri shtoi se PS pritet të ruajë të njëjtën përqindje votash si në zgjedhjet e përgjithshme të 2021.
“Mund të jetë sërish 47% vota në total, por synimi është të arrihet objektivi që thashë më parë për numrin e bashkive. Madje po t’i referoheni zgjedhjeve të përgjithshme, po të mblidhen votat del në atë parashikim që thashë.
Për ne është e rëndësishme është të jemi parti e parë, nuk do zgjerohet PS pa limit, e rëndësishme është të dominosh jetën politike. Me 48 për qind të votave, PS do jetë parti e parë në zgjedhjet e përgjithshme”, tha Gjiknuri.
