12 ushtarë gjermanë u plagosën kur dy tanke Puma u përplasën gjatë një stërvitje në një qendër trajnimi ushtarak në Gjermaninë lindore, tha ushtria gjermane të mërkurën.
Policia ushtarake e Gjermanisë ka nisur një hetim për incidentin, tha një zëdhënës i ushtrisë për Reuters, duke shtuar se një nga ushtarët u plagos rëndë dhe u dërgua në spital, por plagët e tij nuk ishin kërcënuese për jetën.
Incidenti me automjetet Puma të cilat peshojnë rreth 40 tonë secila, ndodhi në terrenin e stërvitjes ushtarake Altmark, rreth 50 kilometra larg Magdeburgut.
Ndërkohë, ministri gjerman i Mbrojtjes Boris Pistorius vizitoi një batalion tankesh në qytetin perëndimor të Augustdorf, ku ndodheshin 14 tanket Leopard 2 që Berlini është zotuar t’i dorëzojë Ukrainës.
