Tre persona u arrestuan nga policia e Durrësit pasi tjetërsuan 5000 metër katrorë tokë në Gjirin e Lalzit.
Në pranga përfundoi ish-juristi i Hipotekës Artur Isaku 60-vjeç si dhe Faik Ibrahimi 72-vjeç dhe 68-vjeçari Zyber Dema. Ndaj tyre rëndojnë veprat penale “Shpërdorimi i detyrës” dhe “Falsifikimi i dokumenteve”, kryer në bashkëpunim.
Nga hetimi i thelluar prokuroria konstatoi se tre të akuzuarit në bashkëpunim me njëri-tjetrin përmes dokumenteve të falsifikuara i morën tokën në Gjirin e Lalzit një personi tjetër. Prona u regjistrua në hipotekë në emrin e Faik Ibrahimit dhe Zyber Demës, kjo me ndihmën e ish-zyrtarit Artur Isaku i cili gjatë kësaj kohe mbante detyrën e juristit në institucionin e hipotekës së Durrësit.
Rasti u zbulua pas disa muaj hetimesh, ndërsa ka dyshime se në këtë veprimtari kriminale janë të përfshirë dhe persona të tjerë
