Gazetari Patrik Sadikaj tha në një intervistë për Euronews Albania se protestat apo dhuna nuk janë rruga e duhur për të rrëzuar qeverinë Rama.
Sipas Sadikajt, mënyra e vetme për ta rrëzuar Ramën është bashkimi i elementëve të rëndësishëm në një alternativ të re që t’i vihet përballë atij.
“Me protestat i çuan ujë në mullirin e Edi Ramës sepse në këtë situatë, çdo lloj proteste, një prej të cilave edhe në një ditë të rëndësishme, çdo lloj veprimi, Rama është i fuqishëm mediatikisht për t’i quajtur antievropianë. Mendoj se Ramën s’e mund as protesta, as dhuna, as revolucioni, vetëm nëse bashkohen disa elementë të rëndësishëm, të rinj apo të vjetër që të prodhojnë një alternativë të re”, tha gazetari.
