Janë deportuar nga Britania 40 shtetas shqiptarë, që kanë mbërritur me charter në Aeroportin e Rinasit rreth orës 11:30.
Pas intervistave dhe procedurave ligjore në komisariatin e Policisë Kufitare të Rinasit 40 shqiptarët e deportuar janë pritur nga familjarët e tyre.
Shumica e të deportuarve kanë punuar në punë të zezë, si në ndërtim, por ka edhe nga ata që janë të dënuar për vepra penale në Britani.
40 shqiptarët e deportuar jashtë kamerave shprehen të pakënaqur nga trajtimi i shtetit britanik sidomos pas deklaratës të ministres së brendshme britanike Braverman.
Burimet thanë se në datën 19 janar pritet të mbërrijë edhe një charter tjetër me shqiptarë të deportuar nga Britania.
