Referuar dëshmisë së vajzës së mitur të ish-zyrtares së lartë në administratë, Alda Klosit, ka qenë ajo e para që ka konstatuar vjedhjen në shtëpinë ku jetonin ku ka parë se dera ishte e hapur, rafti në dhomën e gjumit ishte i hapur dhe të gjitha rrobat ishin të hedhura përtokë.
Referuar dëshmisë së vajzës së Alda Klosit, ajo ka telefonuar menjëherë mamanë e saj, ish-zyrtaren Alda Klosin për t’i treguar mbi situatën.
Blendi Fevziu thotë se referuar dëshmive të personave të pyetur të pallatit, vajza e Alda Klosit është parë duke qarë tek trotuari në pritje të mbërritjes të së ëmës.
Në emisionin “Opinion” është zbardhur dëshmia e administratorit të pallatit ku banonin nënë e bijë, i cili ka treguar se në trotuar ka parë vajzën e Klosit duke qarë dhe disa persona të tjerë. Në atë moment, ai është afruar dhe ka mësuar në lidhje me vjedhjen e banesës së Alda Klosit.
Dëshmia e administratorit të pallatit:
Me datë 15.12.2022 rreth orës 12:30 është larguar për në shtëpinë e tij. Rreth orës 14:00 e ka telefonuar një banor i pallatit dhe i ka thënë se kishte ngelur një fëmijë në ashensor.
Pas kësaj, menjëherë ka shkuar tek pallati dhe ka shikuar një zonjë që banon në katin e parë të pallatit që po qante në trotuar dhe disa persona të tjerë. Është afruar dhe ka mësuar në lidhje me vjedhjen e banesës së shtetases Alda Klosi.
Ai sqaron se gjatë kohës që ka qenë në punë duke filluar rreth orës 06:30 dhe deri në orën 12:30 nuk ka parë ndonjë person të dyshimtë.
Por si e mësoi sanitarja Rozeta Dobi se ishte mësuar mbi vjedhjen që kishte kryer në banesën ku jetonte Alda Klosi me të bijën.
Dëshmia e Rozeta Dobit:
Është pyetur shtetësja Rozeta Dobi e cila ka deklaruar se prej rreth 5 vjetësh ishte pastruese e banesës së shtetases Alda Klosi dhe bënte pastrimin e banesës çdo javë, në ditën e hënë.
Me datë 15.12.2022 rreth orës 11:00 ka marrë autobusin e Unazës së Madhe dhe ka zbritur tek X stacion dhe në këmbë ka shkuar tek banesa e Altin Klosit ku ka bërë pastrimin e banesës deri në orën 18:00.
Gjatë kohës që ka qenë duke pastruar rreth orës 12:00 ka dëgjuar se vajza e tyre ka telefonuar Altinin dhe pasi ka mbaruar telefonatën me vajzën, Altini i ka thënë se i kishin vjedhur Aldës shtëpinë.
Ajo ka deklaruar se kishte një kopje të çelësit të banesës ku jetonte shtetësja Alda Klosi, dhe këtë çelës nuk ia kishte dhënë asnjë personi tjetër.