Sulmet me dronë rusë goditën infrastrukturën kritike në Kiev të hënën si pjesë e një serie sulmesh për Vitin e Ri, sipas zyrtarëve ukrainas. Të paktën një person u vra në sulmet e fundit. Pavarësisht kësaj, zyrtarët thonë se mbrojtja ajrore ukrainase kapi disa raketa ruse dhe drone në sulme, me presidentin ukrainas Volodymyr Zelenskiy që tha se 45 dronë të prodhuar nga Irani u rrëzuan.
Ushtria e Ukrainës thotë se bombardoi qytetin Makiivka dhe zona të tjera të pushtuara nga Rusia në rajonin lindor të Donetskut të dielën. Sulmi i Makiivka thuhet se goditi lagjet ku strehoheshin rekrutët rusë. Ministria e Mbrojtjes e Ukrainës tha se sulmi vrau 400 ushtarë rusë. Zyrtarët e instaluar nga Moska në rajon thanë se lagjet u goditën nga raketat HIMARS dhe se pati qindra viktima. Ministria ruse e Mbrojtjes nuk e komentoi incidentin dhe në vend të kësaj tha se forcat ruse shkatërruan shtatë raketa HIMARS të lëshuara nga Ukraina në zonë.
Ministri i ri i Jashtëm izraelit Eli Cohen sinjalizoi një ndryshim të politikës për Ukrainën në fjalimin e tij të parë duke lënë të kuptohet se qeveria e re do të marrë një linjë më pro-ruse. Ai tha se do të flasë të martën me Ministrin e Jashtëm rus Lavrov – telefonata e parë e tillë që nga pushtimi rus në Ukrainë. Në fjalimin e tij Cohen la të kuptohet se ndryshe nga paraardhësi i tij Yair Lapid, ai nuk do ta dënojë Rusinë publikisht. “Për çështjen e Rusisë dhe Ukrainës do të bëjmë diçka me siguri – të flasim më pak në publik”. Ministri i ri i Jashtëm izraelit tha se do të hartojë një politikë të re “të përgjegjshme” për luftën në Ukrainë dhe theksoi se ministria e jashtme “do të përgatisë një prezantim të detajuar në kabinetin e sigurisë për këtë çështje”. Ai tha gjithashtu se ndihma humanitare izraelite për Ukrainën do të vazhdojë.
