Ilir Shehut, pronarit të katër kompanive farmaceutike, i janë sekuestruar 29 pasuri me kërkesë të Prokurorisë së Tiranës. Mes tyre janë kompanitë “Medicamenta”, “Mega Store”, “Unipharma” dhe “Italialbania Pharma”, tetë prona të paluajtshme, tetë automjete dhe pasuri të regjistruara në emër të subjekteve të lidhura me të. Shehu, i njohur edhe si Ilir Pasholli, është dënuar në Itali për trafik ndërkombëtar droge. Sipas prokurorisë, autoritetet italiane e identifikuan si pjesë të një skeme kontrabande ilaçesh mes Italisë dhe Shqipërisë.



