Njësitë e BKH-së kanë kryer verifikime në Sarandë, përfshirë banesën e nënkryetarit të bashkisë, Elton Dauti, rreth orës 07:30 të së enjtes.
Fokusi i kontrolleve është leja për trenin elektrik të Syrit të Kaltër, e miratuar nga ish-ministrja e Turizmit dhe Mjedisit, Mirela Kumbaro, ndërsa aktiviteti ka nisur në prill të vitit 2024.
Hetuesit synojnë të sqarojnë procedurat e ndjekura dhe dokumentacionin mbi të cilin u bazua miratimi.
Deri tani nuk janë bërë publike dokumentet e marra dhe as Dauti nuk ka dhënë ndonjë reagim publik.
