Dy punonjës të Patrullës së Përgjithshme në Komisariatin nr. 4 në Tiranë janë arrestuar nga Agjencia e Mbikëqyrjes Policore (AMP), pasi dyshohet se morën 20 mijë lekë ryshfet për të mos ndëshkuar një qytetar për një shkelje rrugore.
Policët Aurel Sallaku dhe Xhorxh Frrokaj i kërkuan para qytetarit pasi ai kishte bërë një parakalim të gabuar.
Hetimi nisi pas kallëzimit të qytetarit, ndërsa dy efektivët, 20 dhe 23 vjeç, dyshohen për korrupsion pasiv dhe shpërdorim detyre, të kryera në bashkëpunim.
