Një emër i vjetër dhe jo pak i përfolur i biznesit shqiptar duket se ka hyrë në lupën e SPAK.
Prokurorët e posaçëm kanë marrë në pyetje biznesmenin Dritan Avllaj, i njohur prej vitesh me nofkën “Tan Lepuri”, dhe i kanë sekuestruar telefonin celular.
Veprimi është kryer pasi gjatë verifikimit të komunikimeve të tjera hetuesit kanë hasur mesazhe që kanë ngritur interes për rolin dhe kontaktet e Avllajt.
Në këtë fazë nuk është e qartë në çfarë cilësie është pyetur Avllaj dhe as nëse SPAK ka ngritur ndonjë akuzë ndaj tij.
Sekuestrimi i telefonit nuk do të thotë automatikisht se biznesmeni ka kryer një vepër penale. Prokurorët kërkojnë të verifikojnë komunikimet dhe marrëdhëniet e tij në kuadër të hetimeve ku del edhe emri i ish-zëvendëskryeministres Belinda Balluku.
