Pavel Durov, themelues i Telegram-it dhe destinatar i një urdhri arresti të lëshuar nga autoritetet e Moskës, akuzohet për “lehtësim të aktiviteteve terroriste” për të mos fshirë nga platforma kanale dhe bot “të përdorura nga shërbimet speciale ukrainase dhe organizata terroriste e ekstremiste për të përgatitur dhe koordinuar akte sabotimi dhe terrorizmi në Rusi”. Kështu thuhet në një komunikatë të shërbimeve të inteligjencës së brendshme ruse FSB, të cituar nga agjencia Interfax.
Në veçanti, sqaron agjencia Ria Novosti, hetuesit i referohen shërbimit të takimeve Leonardo Dayvinchik, nëpërmjet të cilit agjentë të shërbimeve ukrainase, duke u paraqitur si gra, do të kishin kontaktuar të rinj rusë për t’i shtyrë pastaj drejt veprimeve sabotazhe ose terroriste. Që nga korriku i vitit të kaluar, FSB-ja deklaron se në kuadër të hetimeve janë arrestuar 46 qytetarë rusë të moshës ndërmjet 12 dhe 22 vjeç në 16 rajone.
