Luana Vjollca ka zgjedhur ishullin e famshëm grek, Mykonos, për të kaluar disa ditë pushimesh, ndërsa nuk ka ngurruar të ndajë me ndjekësit momente nga arratisja e saj verore.
Moderatorja dhe këngëtarja ka publikuar një galeri fotografish, ku shfaqet në plazh, pranë detit dhe në ambiente luksoze, e veshur me bikini dhe me veshje verore në nuanca rozë, që i kanë dhënë një pamje elegante dhe plot stil.
Pamjet tregojnë Luanën duke shijuar rrezet e diellit, ujërat e kristalta dhe atmosferën karakteristike të Mykonosit, një prej destinacioneve më të preferuara të personazheve të njohur gjatë sezonit veror.
Siç ndodh zakonisht me postimet e saj, edhe këtë herë fotografitë kanë marrë mijëra pëlqime dhe komente, me ndjekësit që nuk kanë kursyer komplimentet për paraqitjen e saj.
Mesa duket, pushimet e Luanës sapo kanë nisur dhe, nëse gjykojmë nga fotot, ajo po i shijon në maksimum ditët e verës në ishullin grek.
