Detaje të reja nga aksioni i Prokurorisë së Tiranës, në kuadër të operacionit të zhvilluar mbrëmjen e djeshme në kryeqytet ku u goditën tre Call Center-a që mashtronin të huaj me qëllim zhvatjen e shumave të mëdha të parave.
Ndaj të gjithë personave rëndon vepra penale ‘Mashtrim komjuterik’.
Redaksia ka mësuar edhe emrat e “Team leader”-ave që janë shoqëruar ditën e djeshme nga policia: Kristian Buda, Benard Biba, Klejdi Dyrma, Eba Taipi dhe Eno Hana.
Kujtojmë se, pas dokumentarit të transmetuar në “Exclusive” në Top Channel, Prokuroria e Tiranës, në bashkëpunim me krimet kibernetike dhe krimin ekonomiko-financiar, ka kryer një aksion në Tiranë për call center.
