Deputetja e PS, Elisa Spiropali ka reaguar lidhur me çështjen që po përballen studentët shqiptarë në Maqedoninë e Veriut.
Spiropali ka ndarë thirrjen e studentëve për protestë, duke u shprehur se të protestosh për gjuhën shqipe tregon se diçka shumë thelbësore nuk po funksionon.
“Kjo nuk është vetëm çështje e shqiptarëve. Kjo është një provë e rëndësishme për të gjithë, për mënyrën se si funksionon shteti në praktikë, jo vetëm në parim. Sidomos për dy vende mike , që ndajnë të njëjtin horizont dhe të njëjtën aspiratë europiane, respektimi i të drejtave dhe forcimi i barazisë nuk është vetëm detyrim, por edhe drejtim i përbashkët”, shkruan Spiropali.
