Rruga që lidh Lumin e Vlorës me Himarën ka pësuar një tjetër çarje, këtë herë në një segment tjetër të aksit rrugor.
Sipas specialistëve, lëvizja e sipërfaqes së malit ka shkaktuar rrëshqitje të mëdha dheu, duke sjellë si pasojë dëmtime dhe çarje të konsiderueshme në trupin e rrugës.
Situata paraqitet problematike për qarkullimin e automjeteve, ndërsa autoritetet u bëjnë thirrje drejtuesve të mjeteve të tregojnë kujdes të shtuar gjatë lëvizjes në këtë aks.
Pritet ndërhyrja e strukturave përkatëse për vlerësimin e dëmeve dhe marrjen e masave për stabilizimin e zonës dhe sigurinë e qarkullimit.
