Detaje të reja kanë dalë në dritë lidhur me operacionin antidrogë të zhvilluar mbrëmjen e djeshme në Lezhë, ku u zbulua një magazinë e përshtatur për kultivimin e kanabisit. Magazina ndodhej pranë superstradës Lezhë-Laç, në afërsi të kryqëzimit të Spitenit.
Sipas njoftimit te policisë, gjatë operacionit u arrestuan në flagrancë, brenda ambienteve të magazinës, tre persona. Në pranga ranë shtetasit A. Gj., 57 vjeç, dhe A. Gj., 22 vjeç, babë e bir, si dhe shtetasi Gj. D., 59 vjeç, punonjës i OSHEE-së.
