Gëzuar 28 Nëntorin – Ditën e Flamurit dhe të Pavarësisë!
Sot nderojmë momentin kur paraardhësit tanë shpallën Shqipërinë e lirë dhe të barabartë mes kombeve. Kjo ditë na kujton forcën, kurajon dhe unitetin që kanë mbajtur gjallë kombin tonë në çdo kohë.
Shqipëria dhe Kosova ecin krah për krah, si dy shtete me një komb dhe mbrojtës të vlerave të “Shqipërisë Etnike”, të përkushtuar ndaj paqes, zhvillimit dhe rrugës europiane. Është detyra jonë të mbrojmë lirinë, të forcojmë bashkëpunimin dhe të ndërtojmë një të ardhme ku rinia jonë të besojë e të lulëzojë.
Le të punojmë për një vizion që na bashkon: institucione më të forta, arsim më cilësor, ekonomi më konkurruese dhe një shoqëri që respekton historinë, identitetin dhe dinjitetin njerëzor.
Urime të gjithëve këtë ditë të shenjtë kombëtare. Zoti e bekoftë Shqipërinë dhe mbarë kombin shqiptar! 🇦🇱
