Një aksident i rëndë me vdekje ka ndodhur pas mesditës së sotme në lagjen 2 të Rrogozhinës. Policia njofton se një i ri ka aksidentuar për vdekje një vajzë të mitur, teksa kthente automjetin për në rrugën e lagjes.
“Rreth orës 13:55, në lagjen nr. 2, Rrogozhinë, shtetasi F. Xh., 24 vjeç, banues në Rrogozhinë, ka goditur me automjet gjatë kthimit të automjetit për në rrugën e lagjes një të mitur 2-vjeçare, e cila ka ndërruar jetë”, njofton policia.
Drejtuesi i automjetit është shoqëruar në Polici për veprime të mëtejshme.
