Arben Ahmetaj nga Zvicra në një linjë me Sali Berishën, sulmon Altin Dumanin pas deklaratës së këtij të fundit në Kuvend se ish-zv.kryeministri mund të bashkëpunojë me drejtësinë si “i penduar”.
Në intervistën për Syri TV, Ahmetaj tha se nuk mund të quhet bashkëpunëtor “sepse s’kam kryer asnjë krim”, ndërsa e cilësoi Altin Dumanin “dështimin e Reformës në Drejtësi”.
“Kam pasur besnikëri për një njeri që kishte thikën në dorë,” – u shpreh ai për Edi Ramën, duke e akuzuar se “kush është armik i Ramës, tërhiqet zvarrë”.
Ahmetaj shtoi se hetimet e SPAK i kanë shkatërruar jetën familjare dhe se “duhani i është bërë ushqim”.
