Apeli i GJKKO-së ka refuzuar kërkesën për lirim të Armando Ndrecës, vëllait të deputetit të PS, Eduard Ndreca, i cili është përfshirë në dosjen “Revanshi”.
Armando Ndreca ishte arrestuar për lidhje me kultivimin e kanabisit dhe ishte pjesë e një grupi kriminal. Pas arrestimit të tij nga Policia e Lezhës, ai u liroua, por më pas SPAK vendosi prangat dhe ngriti akuzat për prodhimin dhe shitjen e narkotikëve.
Ai është një nga të përfshirët në këtë hetim, ku përfshihet edhe ish-deputeti Arben Ndoka dhe nipi i tij, Samuel Ndoka.
