SPAK ka përgënjeshtruar sërish ish-kryeministrin Sali Berisha, i cili prej vrasjes së djeshme të Alfred Dedjas hodhi dy akuza të rënda ndaj Prokurorisë së Posaçme, një prej të cilave e mohoi më pas.
Pasi akuzoi prokurorin e SPAK si të përfshirë në lirimin e autorit të vrasjes së djeshme, çka rezultoi e pavërtetë, Berisha tha se Alfred Dedja u ekzekutua nga kunati i Altin Hajrit, Julian Gjoshi, pasi ishte dëshmitar i rrëmbimit, vrasjes dhe zhdukjes së Jan Prengës.
Por SPAK ka reaguar sërish sot duke e hedhur poshtë edhe këtë version të Berishës. Sipas SPAK, viktima, Alfred Dedja, nga hetimet e kryera rezulton se nuk ka asnjë lidhje me rrëmbimin dhe zhdukjen e Jan Prengës, nuk ka qenë i përfshirë dhe nuk ka qenë dëshmitar.
Deklarata e SPAK:
Prokuroria e Posaçme kundër Korrupsionit dhe Krimit të Organizuar hedh poshtë deklaratat e pavërteta që e lidhin A.D, viktimën e krimit të kryer mbrëmë në Ndroq me një ngjarje që daton në vitin 2020, e cila hetohet prej saj.
Mbështetur mbi hetimet e kryera nga SPAK deri në këtë fazë, në kuadër të procedimit penal nr.60 të vitit 2020, personi i ekzekutuar mbrëmjen e djeshme, A.D nuk rezulton të jetë dëshmitar apo të kishte lidhje me pengmarrjen, ekzekutimin dhe fshehjen e trupit të viktimës Jan Prenga, ngjarje e ndodhur në Janar të vitit 2020. Emri i tij nuk rezulton të ketë qënë i përfshirë në listën e punonjësve apo dhe listëpagesat e kompleksit “Golden“, në Shijak, pronësi e Altin Hajrit, në kohën e kryerjes së krimit.
I pandehuri Altin Hajri, pronar i kompleksit “Golden” akuzohet si pjesëmarrës në grupin e strukturuar kriminal që ka kryer rrëmbimin e shtetasit Jan Prenga. Ai është në masë sigurimi “arrest me burg” në mungesë dhe çështja në ngarkim të tij po gjykohet në Gjykatën e Posaçme kundër Korrupsionit dhe Krimit të Organizuar.
Në gjykim janë Dritan Rexhepi dhe Gentjan Funiqi, të cilët kanë urdhëruar rrëmbimin e tij; Martin Bleta dhe Korado Kështenja që organizuan pengmarrjen ndërsa ekzekutimin Artan Doçaj, Aldo Majnishta dhe Geraldo Martini, të cilët e dërguan viktimën pas rrëmbimit, në kompleksin “Golden”.
Prokuroria e Posaçme kundër Korrupsionit dhe Krimit të Organizuar i ka drejtuar disa kërkesa zyrtare strukturave të policisë, si organi përgjegjes për ekzekutimin e masës së sigurisë ndaj shtetasit, Altin Hajri
