Ish-zyrtari i lartë i FBI-së, Charles McGonigal, shpërtheu në lot këtë të enjte teksa u dënua me 50 muaj (4 vite e 1 muaj) burg federal për bashkëpunim me një oligark rus për t’iu shmangur sanksioneve amerikane.
55-vjeçari McGonigal, u urdhërua burgoset deri më 26 shkurt 2024, si dhe tre vjet lirim të me kusht pas burgut dhe u gjobit me 40,000 dollarë.
McGonigal, i cili drejtoi divizionin e kundërzbulimit të FBI-së në Nju Jork nga viti 2016 deri në 2018, u deklarua fajtor për akuzën në gusht të këtij viti.
“[McGonigal] e dinte mirë se veprimet e tij shkelnin ato sanksione”, tha gjykatësja federale e Manhatanit Jennifer Rearden ndërsa jepte dënimin.
“Përballë asaj njohurie, zoti McGonigal vazhdoi përpara”, shtoi ajo, duke e quajtur atë një “rrezik të madh për sigurinë kombëtare”.
Ironikisht, përpara se të binte në grackën për lidhjet me Rusinë, McGonigal ndihmoi byronë të hetonte lidhjet e supozuara të ish-presidentit Donald Trump me Moskën.
Ish agjenti i FBI-së u përball me një akuzë të vetme për komplot për të pastruar para dhe për të shkelur Aktin Ndërkombëtar të Fuqive Ekonomike të Emergjencave, i cili parashikonte një maksimum prej pesë vjet burg.
“Duke marrë përgjegjësinë për veprimet e mia dhe duke reflektuar mbi situatën time, unë njoh dhimbjen dhe zhgënjimin që i kam sjellë vetes, familjes sime”, tha McGonigal gjatë një ndjese emocionale.
Pas largimit të tij nga FBI në 2019, McGonigal u punësua nga një firmë ligjore që luftonte sanksionet ndaj oligarkut Deripaska.
Gjatë pranimit të fajit, McGonigal pranoi se kishte mbledhur rreth 17,500 dollarë duke ndihmuar Deripaskën duke e ndihmuar të luftonte një oligark rival.
Ato para u transferuan nga një bankë ruse me seli në Qipro në një firmë në Neë Jersey në pronësi të një prej shokëve të McGonigal përpara se të mbylleshin në llogarinë e tij bankare.
Prokurorët u përpoqën ta konsideronin McGonigal si të motivuar nga lakmia, duke vënë në dukje se gjatë kohës që ai punoi për Deripaska, ai kishte rreth 850,000 dollarë të ardhura, si dhe një apartament në Manhattan dhe Mercedes.
Në një rast tjetër, McGonigal u padit nga prokurorët e DC-së për dyshimin se kishte fshehur marrjen e 225,000 dollarëve nga një ish-anëtar i shërbimit inteligjent të Shqipërisë.
Në atë rast, ai u akuzua gjithashtu se kishte marrë pjesë në një takim sekret me kryeministrin shqiptar Edi Rama, ndërsa ishte në FBI.
Ai pranoi fajësinë për një akuzë të vetme të fshehjes së materialit në atë rast në shtator, ndërsa dënimi do të jepet në shkurt.
Akt-padia e FBI:
1- Sipas dokumentit të akuzës,“më 9 shtator në vitin 2017, i pandehuri McGonigal u takua me kryeministrin shqiptar [Edi Rama] dhe me Personin B [Dorian Duçka].
2- Më 19 nëntor i pandehuri McGonigal takohet me Personin B – Duçka për darkë.
3- më 20 nëntor takohet me kryeminsitrin”, sipas akt-padisë.
Takimi është dy ditë para 22 nëntorit kur publikohet artikulli tek BIRN.
4- Menjëherë pas kthimit nga Shqipëria, më 25 nëntor, McGonigal informon Prokurorin e Departamentit të Drejtësisë, për një hetim të mundshëm kriminal për një shtetas amerikan, që ishte regjistruar për të bërë lobizëm “për një parti që nuk ishte e kryeministrit Rama”. Sipas akt-padisë, më herët McGonigal kishte marrë informacion për këtë lobist nga Personi B (Agron Neza – sekser).
Është fare e qartë çfarë ka ndodhur dhe kush e ka stisur gjithë historinë
Per te vijuar me tej:
5- Në dhjetor të vitit 2017 McGonigal është takuar në Uashington me personin A (Agron Nezën) dhe zyrtarë të qeverisë shqiptare dhe në Nju Jork me Personin A dhe kryeministrin Rama.
6- Më 4 janar 2018, sipas akt-akuzës, McGonigal mori informacion për lobistin amerikan nga Personi A (Agron Neza) dhe të nesërmen ia dërgoi informacionin një agjenti tjetër të zyrës së FBI-së në Nju Jork.
7- Më 22 janar ai mori përsëri informacion nga Personi A (Agron Neza) për lobistin (Nick Muzin) dhe ia dërgoi një vartësi. Personi A (Agron Neza), sipas akuzës e kishte marrë informacionin nga zyra e Kryeministrit të Shqipërisë.
8- Sipas akt-padisë “më 26 shkurt 2018, zyra e FBI-së në Nju Jork hap zyrtarisht hetime të përqendruar tek lobisti amerikan me kërkesën dhe nën udhëzimin e zotit McGonigal. Më pas Personi A (Neza) u identifikua si burim konfidencial në mbështetje të hetimit. Personi A (Neza) i ka ofruar informacione zyrës së FBI-së në Nju Jork gjatë hetimit.”
9- Po sipas akt-padisë “Më pas Personi B, Dorjan Duçka ndihmoi në organizimin e një takimi mes zyrës së FBI-së në Nju Jork dhe dëshmitarëve në Evropë, duke paguar mes të tjerash për shpenzime udhëtimi të dëshmitarëve” . Pra, Rama paguan deshmitaret dhe udhetimet e FBI, pasi FBI thotë në aktpadi që nuk ka paguar asgjë.
10- Pasi nuk arriten te zbulojne asnje fakt qe te implikonte Lulzim Bashen me 6 Mars 2018 vendosen te perdorin revistën Mother Jones per te perhapur genjeshtren e sajuar ne zyren e Edi Rames. Mother Jones, kishte burim Mark Thomas Rosini, partner biznesi i Mcgonigal dhe Agron Neza.
