Fëmijët në Shqipëri nuk dinë shumë për sistemin komunist dhe pasojat e tij, madje diktatorin Enver Hoxha e njohin si hero.
Instituti i Studimeve të Krimeve të Komunizmit, dhe Ministria e Arsimit synojnë të shtojnë më shumë orët e dedikuara për këtë periudhë dhe personazhet e saj.
Lidhur me këtë, Elsa Skënderi, zëvendësdekane e Fakultetit të Histori-Filologjisë, për MCN lajme, konsideron se me vetëm 30% të shtuar të kurikulave nuk mjafton të trajtohet ajo periudhë, që kryesisht nxënësit në shkolla e njohin shumë pak.
“Është trishtuese të shohësh fëmijë edhe pse janë në moshë të re, ishte dashur që minimalisht të mos e thoshin atë se është thuajse blasfemi, duke pas parasysh se çfarë ka kaluar shoqëria jonë, që të thonë se Enver Hoxha është hero.
Kjo tregon një mungesë të skajshme dhe shumë alarmante të informacionit që ndryshimi apo ndërhyrja në kurikul, mund të jetë një mënyrë për ta korrigjuar disi këtë mungesë informacioni për të shkuarën tonë të afërt historike, pasojat e se cilës i vuajmë sot e gjithë ditën si shoqëri, për pasojat e së cilës, na flasim dhe dëshmojnë njerëz që e kanë përjetuar në kurriz të tyre, qoftë përndjekjet, qoftë internimet, burgosjet pa shkak, të gjitha atë mund të ndëshkojnë këtë gjë.
Ndaj, harresa është një kambanë alarmi, por që thjeshtë me një ndryshim apo me pretendimin se ka një 30% të shtuar në kurikulat që flet apo trajton atë periudhë historike, është e pamjaftueshme”.
Për Elsa Skënderin, zëvendësdekane e Fakultetit të Histori-Filologjisë, nuk mjafton që periudhë e historisë së komunizmit, të mësohet vetëm në lëndën e historisë, por të shtrihet edhe në lëndë të tjera.
“Kur e them këtë duhet të kemi parasysh këtë, them se për këtë nuk mund të mësohet vetëm përmes lëndës së historisë, por edhe përmes lëndëve tjera, por vetëm një tekst në morinë e teksteve nuk mjafton.
Ne duhet të shohim se si lëndë të ndryshme shkollore, e trajtojnë këtë periudhë, çfarë informacioni japin, e kanë atë në fokus të mënyrës se si i qasen mënyrës sonte historie apo të djeshme poashtu është e nevojshme që të gjithë aktorët, natyrisht që shkolla ka një rol parësor në këtë drejtim, por është e nevojshme që të gjithë aktorët të përfshihen dhe të japin kontributin e tyre, qoftë shoqatat që kanë në fokus krimin e komunizmit, dhe ata që janë pjesë e shoqërisë civile që kanë rol për ndërmjetësimin dhe nevoja për të mos harruar atë periudhë.
Nuk mund të ketë vetëm në lëndën e historisë një vëmendje të shtuar, në të vërtetë edhe në lëndë të tjera ne duhet të shohim sesi trajtohet informacioni por edhe si është rrënjosur dikur ky informacion”.
