Pak javë pas Bledi Çuçit nga ministria e Brendshme, në media u përfol se Kryeministri Edi Rama kishte vendosur që të shkarkonte Delina Ibrahimaj nga posti i ministres së Financave.
Mirëpo një vendim i tillë është mohuar nga Ibrahimi, e cila duke folur për mediat e ka cilësuar si thashethem vere.
“Nuk më kanë shkarkuar dhe as kam dhënë dorëheqjen”, tha ajo.
Edhe vetë Kryeministri e ka mohuar diçka të tillë, duke thënë prerazi “Jo”, teksa u pyet nëse e ka shkarkuar Ibrahimaj.
Një lajm i tillë qarkulloi pasi rreth orës 18.00 mblidhet Asambleja Kombëtare e Partisë Socialiste dhe deklarata e ministres u dha pikërisht pak para fillimit të mbledhjes.
Kjo mbledhje vjen për të diskutuar mbi vijimin e aksionit politik, por edhe për të bërë një analizë të qeverisjes.
Ndërkohë në 28 dhe 29 korrik, Kryeministri Edi Rama do të mbledhë qeverinë në Tepelenë, takim i cili do të jetë informal.
