Rreth 19, 000 njerëz janë evakuuar nga ishulli grek i Rodosit, pasi zjarret vazhduan të jenë të pranishme për të gjashtën ditë rradhazi në tre fronte. Kjo u bë e ditur të dielën nga autoritetet greke.
Ministria e Ndryshimeve Klimatike dhe Mbrojtjes Civile tha se ky ishte “evakuimi më i madh për shkak të zjarreve në Greqi”. Policia lokale tha se 16,000 njerëz u evakuuan nga toka dhe 3,000 të tjerë nga deti nga rreth 12 fshatra dhe disa hotele.
Gjashtë persona u shtruan në spital për pak kohë me probleme të frymëmarrjes, por më pas u lanë të lirë.
Kompanitë e paketave të pushimeve TUI dhe Jet2 kanë anuluar fluturimet për në Rodos. Jet2 tha se po anulonte pesë fluturime për të vajtur në Rodos.
Kompania tha se do të dërgonte pesë avionë bosh për në Rodos, për të rikthyer klientët në ishull. TUI tha se po anulonte të gjitha fluturimet për në ishull deri të martën.
Turisti britanik Kevin Evans u evakuua dy herë të shtunën me gruan e tij dhe tre fëmijë të vegjël – së pari nga Kiotari në Gennadi, pastaj ndërsa zjarri iu afrua kryeqytetit të ishullit në Verilindje, i tha ai i agjencisë së lajmeve në PA në Britani.
“Kishte shumë njerëz në Gennadi të dërguar nga hotelet, shumë në vetëm rroba banje. U thanë të linin gjithçka në hotel,”- i tha ai PA.
“Kur ra nata, ne pamë zjarrin në majën e kodrave në Kiotari. Ata thanë që të gjitha hotelet ishin në zjarr. ”
Agjenti i udhëtimit në Rodos, Stelios Kotiadis, konfirmoi për Associated Press se evakuimi ishte i nxituar.
“Kishte panik. Autoritetet ishin të mbingarkuar,”- tha ai.
Por, tha ai, hotelet e braktisura “janë në gjendje shumë më të mirë sesa raportohet në mediat sociale. Sipas tij, “ato do të jenë gati të rihapen shumë shpejt nëse Mbrojtja Civile jep dritën jeshile.”
Kotiadis tha se ai dhe agjentë të tjerë udhëtimi dërguan autobusë në juglindje të ishullit për të marrë turistët e evakuuar.
Atyre iu desh të bënin rrugë të gjatë, pasi rruga që shkonte në anën lindore të Rodosit ishte e bllokuar.
Ai shtoi se 90% e turistëve të evakuuar janë nga vendet evropiane.
Ambasadori britanik në Greqi, Matthew Lodge, tha se qeveria e Mbretërisë së Bashkuar po dërgonte një ekip për të mbështetur shtetasit britanikë në Rodos.
Ministria e Punëve të Jashtme greke tha se personeli ishte rrugës për në Rodos për të ngritur një tendë ndihme në Aeroportin Ndërkombëtar të Rodosit, për vizitorët që kanë humbur dokumentet e tyre të udhëtimit.
Zëdhënësi i Brigadës së Zjarrfikësve, Yannis Artopios tha se të dielën pasdite, 266 zjarrfikës dhe 49 motorë po punonin në terren, së bashku me qindra vullnetarë. Dhjetë avionë zjarrfikës, duke përfshirë dy nga Franca, dy nga Turqia dhe një nga Kroacia, po operojnë në zonë, si dhe tetë helikopterë.
Ka përforcime të konsiderueshme nga Bashkimi Evropian.
“Mbi 450 zjarrfikës dhe shtatë aeroplanë nga BE-ja kanë operuar në Greqi ndërsa zjarret mbijnë në të gjithë vendin”, shkroi në Twitter Komisioneri i BE-së për Ndihmën Humanitare dhe Menaxhimin e Krizave, Janez Lenarcic. Apnews
