Ministri i Punës në Greqi, Adonis Georgiadis u dërgoi nga Kuvendi një mesazh bizneseve që të mbrojnë punëtorët nga vapa, duke respektuar orarin e kufizimit për shkak të temperaturave të larta.
“Kërkoj bizneset që të respektojnë vendimin e ministrisë për orarin e punës (12:00 – 16:00), në të kundërt do të ketë ndërhyrje të menjëhershme nga inspektorati i punës për vendosjen e gjobave”, tha Adonis Georgiadi.
Ai ka treguar se pas një mbledhjeje në ministri dhe pas kunsultimeve me mjekët, kanë marrë vendim për pushim të detyruar të bizneseve gjatë orarit 12:00 – 16:00. Për të gjithë ata që nuk e respektojnë orarin do të ketë gjoba që shkojnë deri në 2000 euro për punonjës.
“Gjoba për shkelje është 2000 euro për punonjës. Sot i kam kërkuar inspektoratit të më informojë. Deri tani nuk kam asnjë njoftim për shkelje. Duket se në një masë të madhe bizneset po përshtaten. Nuk më pëlqen të vendos gjoba, por punëtorët duhet të punojnë të sigurt”, shtoi ai.
