Jamie Foxx ka dhënë një përditësim të detajuar mbi shërimin e tij për herë të parë, tre muaj pasi ai u shtrua në spital për një ‘komplikacion mjekësor’.
55-vjeçari informoi fansat se nuk është ‘i verbër’ ose ‘i paralizuar’ në një regjistrim emocional tre minutësh.
“Kam kaluar diçka që nuk e kam menduar kurrë se do ta kaloj. E di që shumë njerëz [ishin] duke pritur ose donin të dëgjonin një përditësim, por të jem i sinqertë me ju, nuk doja që ju të më shihnit si ai njeri”, pranoi ai me lot në sy.
Aktori, i cili u kthye në punë në fillim të kësaj jave për të filmuar një reklamë në Las Vegas, vazhdoi: “Unë dua që ju të më shihni duke qeshur, duke kaluar një kohë të mirë, duke bërë festë, duke bërë shaka, duke bërë një film, [ose] një shfaqje televizive.”
“Nuk doja që të më shihje me tuba që më dilnin dhe duke u përpjekur të kuptoja nëse do t’ia dilja mbanë.”
Ai shtoi se kaloi ‘ferrin’ për të mbijetuar dhe ka përjetuar disa ‘gropa’ në ‘rrugën e tij drejt rimëkëmbjes’.
Prezantuesi i Beat Shazam lavdëroi gjithashtu motrën e tij, Deondra Dixon, dhe vajzën, Corinne, 29 vjeç, për ‘shpëtimin’ e jetës së tij dhe mbajtjen private të detajeve rreth shtrimit të tij në spital.
