Ish-kryetari i KQZ, Kristaq Kume në një lidhje skype me studion e lajmeve ën MCN TV ka komentuar lidhur me draftin për ligjin e presidentit për të cilin u shpreh se me ndryshimet ligjore të 2008 presidenca pësoi një goditje të rëndë, por edhe propozimin e Bashës që presidenti i Republikës të zgjidhet me votim popullor.
Ai tha se presidenca është institucioni më i rëndësishëm kushtetues dhe se është e domosdoshme ndryshimi kushtetues i zgjedhjes së presidentit. Sipas tij duhet një president i zgjedhur nga populli, ndërsa e cilësoi si domosdoshmëri konsultimin e draftit me presidentin.
“Për të patur një ligj të tillë edhe institucioni rrjedh direkt nga kërkesat dhe mënyrat se si e ushtrojmë detyrën. Për çdo institucion kemi ligje të veçanta dhe vetëm për presidentin se kemi. Një veprim i tillë, mungesa e angazhimit për të hartuar një ligj të tillë e lexojnë si vazhdimësi e sjelljes së partive politike dhe pjesës tjetër të shoqërisë ndaj institucionit të presidentit,. Me ndryshimet e bëra në 2008, institucioni presidentit pësoi një goditje të madhe duke bërë që sot të preket me dorë shumë lehtë dhe duke i bërë këtë ata arritën të realizojnë një qëllim të tyre për ta pasur sa më larg këtë institucion. Kështu mund të lexohet dhe fakti se nga 2008 deri më sot asnjëherë nuk është ndërmarrë një ligj i tillë dhe kjo nismë e fundit ka treguar se kshu siç është i ndërtuar është një situatë që e bën të domosdoshme këtë rishikim që do të thotë se ne kemi nevojë për një president që të jetë përfaqësues i popullit jo i maxhorancës. Pra për mua është e domosdoshme të trajtohet dhe të gjendet zgjidhja përmes ndërhyrjes në kushtetutë që të kemi një president të zgjedhur nga populli. Nëse zgjidhet nga populli atëhrrë dhe ligji organik do ribërë për të pasur nesër një president që të mos jetë e maxhorancës por të jetë një institucion mbi palët.
I pyetur nëse duhej që Kuvendi të ishte konsultuar për këtë draft me Presidentin Begaj, i cili tashmë ka hyrë në institucion prej një viti, Kume tha se kjo është domosdoshmëri formale.
“Është e rëndësishme dhe pjesë e procesit të këtij ligji patjetër që duhet të jetë ky institucion. Mjafton logjika formale që domosdoshmëria e konsultimit është në tavolinë si e tillë nuk e di se sa e frytshme do të jetë ky ligj, por përveçse duhet konsultim i domosdoshëm me institucionin e presidentit duhet të jenë të pranishëm dhe mendimi i qytetarëve. Duhet të organizohet një konsultim i gjatë dhe gjerë përpara se të ngrihen kartonët për një ligj të tillë organik”.
