Sot Policia e Shtetit ka folur për një sherr mes dy fiseve Maja dhe Rraja në një lokal në Fush Krujë. Mirëpo nuk ka folur për motivin e dhunës shtazarake të fisit Rraja, me mbulesë politike të socialistëve, që është plasja e minave në mal tek guroret e Krujës, që trembin fëmijë, pleq e gra.
Por çfarë po ndodh?
Para se të bëhej kryeministër, teksa zgjedhjet e qershorit po afronin, në 2 maj të vitit 2013, Rama thoshte nga një takim në Krujë se krutanët duhet ta votonin Partinë Socialiste për të shpëtuar nderin e qytetit duke iu referuar barbarisë që kishin shkaktuar guroret.
“Kjo është zonë që në hartë figuron me male, por kështu si po gllabërohet ka ardhur dita që të bëhen harta të reja, ku kjo të figurojë pa male. Në 23 qershor secili kur të votojë, duhet ta ketë parasysh edhe këtë; të shpëtojë edhe nderin e vetë Krujës së Skënderbeut”, thoshte kryetari i Partisë Socialiste Edi Rama.
Me ardhjen në krye të qeverisë, Edi Rama premtoi se të gjitha guroret do të mbylleshin pasi krijonin një problem të madh në mjedis.
Në 2 dhjetor të vitit 2014 Rama e quajti rikthimin në normalitet të malit të Skënderbeut si detyrim kombëtar.
Atë ditë për mediat foli edhe ministri i atëhershëm i Mjedisit, Lefter Koka i cili pranoi që ky ishte një problem i madh. Sot është në burg.
“Problemin më të madh ne e kemi me gropat e gëlqeres, mbyllen, rihapen, mbyllen , rihapen.”- u shpreh ish-ministri Koka.
“Ajo që është bërë me Krujën është e pashembullt në histori, siç ia hëngri malet Saliu- Krujës, asnjë sulltan dhe të gjithë sulltanët bashkë nuk ia hëngrën. Malet i gjetën aty dhe i lanë aty”, thoshte me 28 dhjetor të vitit 2016 Rama.
Në 10 qershor të vitit 2018 ministri i Turizmit dhe Mjedisit, Blendi Klosi tha se tashmë bizneset që do të vijojnë të funksionojnë në shfrytëzimin e gurit duhet t’u përmbahen rregullave teksa shpalli metodologjinë e re të funksionimit në takimin me sipërmarrës në këtë fushë.
Metodologjia e Blendi Klosit dhe Lefter Kokës i ka bërë pjesëtarët e fisit Rraja me gurore, mina, bomba, deputetë dhe gjithëfarësoj gjërash.
