Zv.Kryeministrja, Belinda Balluku është duke zhvilluar një takim me Presidentin Bajram Begaj.
Balluku është parë të hyjë në Presidencë rreth orës 13:15.
Nuk ka ende ndonjë njoftim zyrtar lidhur me tematikën e takimit, por çështjet e sigurisë kibernetike dhe situata energjitike janë dy sektorët më delikatë për momentin që mbulohen nga Balluku.
Presidenti Bajram Begaj nuk ishte i pranishëm në ceremoninë e mikpritjes së ish-presidentit të Shteteve të Bashkuara të Amerikës, Bill Clinton.
Këshilltarja e Presidentit Arta Sakja ka bërë me dije se Begaj nuk ka mundur të marrë pjesë për shkak të problemeve shëndetësore.
Clinton erdhi në Shqipëri me ftesë të kryeministrit Edi Rama, në një vizitë 2-ditore, në përvjetorin e pavarësisë së SHBA-ve.
Gjatë pasdites së djeshme, në konferencën e organizuar për pritjen e tij, foli edhe ish-presidenti Clinton, i cili e quajti mbreslënëse vizitën në Shqipëri.
