Talenti shqiptar, Kevin Haveri, është zyrtarisht një lojtar i Torinos në Serie A. 21-vjeçari ka shkëlqyer me skuadrën e Rimini në Serie C dhe tashmë ka bërë një hap të rëndësishëm në karrierë.
Mbrojtësi i majtë, u aktivizua në 25 ndeshje në kampionat, ndërsa regjistroi edhe dy asiste. Torino ka blerë kartonin e shqiptarit për 300 mijë euro, teksa shihet si investim për të tashmen dhe për të ardhmen.
Haveri është aktualisht pjesë e kontingjentit kuqezi pasi ka luajtur më parë me Shqipërinë U-17 dhe tani transferimi te Torino, mund t’i japë mundësinë që të luajë për Kombëtaren A.
