Në vitin 2022, përqindjen më të lartë të kriminalitetit për 100.000 banorë e ka qarku Gjirokastër dhe më të ulëtin Berati, sipas kryeprokurorit Olsian Çela. Po pse jo Tirana me 1 milion banorë bashkë me periferinë?
Por si është e vërteta?
Gjirokastra përshembull po shpopullohet masisht për shkak emigrantëve. Po, ata shqiptarë që ikin në Greqi dhe të rinjtë që arreston policia se transportojnë emigrantë. Shihni statistikat e suksesit të operacionit “Perimetri” që “fusin” në burg të rinjtë se tundohen për 200 euro të transportojnë me makina fatkeqë nga Lindja e Mesme dhe Policia iu bën pritë. I fusin më burg për t’ua “djegur” jetën sepse brenda në burg pjesa më e madhe futet në palestrën e kriminit. Jashtë nuk merret dot me politikë e administratë sepse është ligji Dekriminalizimit.
Këta janë kontingjenti më i ri i kriminalitetit në vend që e “krijon” pa dashje Policia sepse nuk kontrollon dot kufijtë. Si duket Shefat ruajnë vendin e punës me burgun e të rinjve në qytetet kufitare. Të nxjerrin statistikat e arrestimeve sepse tonelatat e drogës nuk po i ndalon njeri. Është një mekanizëm pervers për të cilin sflet askush sepse “opozita e vërtetë” merret me Sorosin e Open Ballkan.
