Autobusi i linjës së Unazës ka përplasur një 12-vjeçar teksa ky i fundit ishte pasagjer në motor.
Aksidenti ka ndodhur mëngjesin e sotëm rreth orës 08:45 në rrugën “Ferit Xhajko” në kryeqytet”. Si pasojë e aksidentit është dëmtuar i mituri i cili ndodhet në spital nën kujdesin e mjekëve.
“Më datë 02.07.2023, rreth orës 08:45, në rrugën “Ferit Xhajko”, shtetasi P. R., duke drejtuar autobusin e linjës së Unazës, është përplasur me motomjetin me drejtues shtetasin H. Gj.
Si pasojë është dëmtuar një i mitur 12 vjeç, (pasagjer në motomjet), i cili ndodhet në spital, nën kujdesin e mjekëve.
Grupi hetimor po punon për sqarimin e rrethanave të aksidentit”, thuhet në njoftimin e policisë.
Kjo nuk është hera e parë që autobusët e transportit kryeqytetas përfshihen në aksidente. Rasti më i rëndë është ai i 27 shkurtit të këtij viti në zonën e “Shallvareve” në kryeqytet, ku 9 persona mbetën të plagosur si pasojë e përplasjes së autobusi u përfshi në një aksident masiv duke marrë përpara 6 makina.
