Ish-kryeministri, Sali Berisha në konferencën e përjavshme me gazetarët i pyetur mbi propozimet e Nismës Thurje është shprehur i hapur për të mbështetur disa prej pikave të tyre.
Ndërkohë më herët ky propozim u bë nga Lulzim Basha i cili propozoi pikërisht lista të hapura, Berisha kështu ka rënë dakort me tezat e Bashës.
Po ashtu Agron Duka tha se këto 5 parti politike, kanë biseduar dhe me Lulzim Bashën dhe se PD kishte dërguar atje këshilltarin e saj ligjor.
Berisha theksoi se votimin e detyrueshëm, ulja e moshës për të votuar dhe listat e hapura janë të pranueshme dhe se do t’i votojë së bashku me grupin e tij të deputetëve.
“Ne jemi të hapur të mbështesim dhe votojmë uljen e moshës në 16 vjeç, detyrimin për të votuar, dhe hapjen e listave.”, tha Berisha.
Kujtojmë se në tryezën e mbledhur mbi këto propozim një ditë më parë, grupi i Berishës nuk ishte i pranishëm, ndërsa një pjesë e mirë e deputetëve të opozitës zyrtare morën pjesë.
