Shqipëria sot nuk ka opozitë dhe ka vështirësi të ndez motorët e saj. Kështë u shpreh Lavdrim Lita, drejtor i Faktor.al gjatë një intervistë në Faxnews, teksa u ndal edhe tek tensionet që shoqëruan mbedhjen e Kryesisë dy ditë më parë.
Lita për moderatoren Rovena Neziri, u tregua kritik edhe ndaj deputetëve të grupit të Berishës, për të cilët tha se nuk kanë reaguar në lidhje me situatën e krijuar por se “halli” i tyre është që të jenë në listën e deputetëve në zgjedhjet e ardhshme.
Lita: Unë mendoj që për ngjarjen e Kryesisë së PD duhet ti ndajmë dy gjerat, ajo që ka ndodhur brenda dhe jashtë. Ajo që ka ndodhur jashtë është e dënueshme me deputetet e PD që nuk meritojnë fyerje. Ajo që ka ndodhur brenda është më interesante sepse jo vetëm gara për kryetarin e ri. Nuk është e vetmja herë në kryesine PD që ka diskutime, anetarë që e marrin fjalë 3 herë për të thënë gjerat e tyre dhe ka debat. Problemi ka çaluar kur është dashur të votohet ku një pjesë e deputetëve janë çuar dhe janë larguar sepse nuk kanë dashur të behen pjesë e votimit dhe janë përballur me këto individë që nuk duhet të ishin aty.
Nëse në PD ka diskutime, në Foltore nuk pipëtin askush, nuk flet askush për asgjë, edhe pse kanë humbur 53 bashki, kanë pësuar humbjen më të madhe në historinë e opozitës në 30 vite dhe kanë filluar të gjejnë alibinë e vjedhjes që edhe kjo alibi po shuhet dita ditës. Kjo alibi nuk është serioze dhe duhet mbajtur përgjegjësi për humbjen. Deputetet që janë mbrapa Berishës, nuk po flasin dhe nuk po kerkojnë përgjegjësi. Janë në pritje të listës së deputetëve të 2025, dhe shpresojnë që tia hedhin njeri tjetrit, tia bëjnë me hile njeri tjetrit, të jenë afër Berishës që ti vendos në listë. Është gjithçka një farsë.
Ndërsa ajo që mungon sot, është mungesa e opozitës. Shqipëria sot nuk ka opozitë, opozita nuk përfaqëson qytetarët e Shqipërisë. Opozita që duhet të lindte e PD, që duhet të dilte nga Kryesia e PD ka vështirësi të ndezë motoret e saj, sepse deputete kanë platformën e tyre, Kolegji i Kryetarëve platformën e tyre, Kryesia mendimet e tyre por askush nuk arrin dot të zhbllokojë opozitën në vend.
Ndërkohë Lita shtoi se nuk beson në një bashkim të opozitës në kushtet ku ndodhet ajo, duke argumentuar se deputetët mendojnë vetëm për karrigen e tyre.
Lita: Unë shpresoj që në opinionin publik të dalin mendje të qeta dhe te ftohta sepse nga personat që kanë kokën e nxehtë nuk ka asnjë rezultat pozitiv.
Sa i takon bashkimit, në 14 maj ka pasur bashkim faktik por ka rezultuar në humbje. Bashkimi nuk sjell fitoren e PD dhe opozitës. Ne presim nga opozita që të motivojë njerëzit dhe të jap nje alternativë si qeveriset me etikë dhe me moral. Nëse ka një dëshirë për të bërë punë, mund të fillohet të rindertohet opozita.
Në kushtet ku jemi ku të gjithë janë individualist që mendojnë për karrigen e tyre nuk do shkojnë shumë larg dhe do ngatërrohen me kembët e tyre.
