Autoritetet e policisë në Pordenone kanë arrestuar atë që dyshohet si drejtuesi i një organizate kriminale të trafikimit të drogës në Itali.
30-vjeçari nga Shqipëria, Tonin Ndoci, prej kohësh ishte i njohur për policinë për hetime të ndryshme droge. Për një kohë të gjatë Ndoci mbante një profil të ulët pavarësisht rolit të tij si “koka” e grupit kriminal.
Ndoci kishte pasur një episod më të hershëm me policinë, kur gjatë vitit 2022 ndaj organizatës së tij u krye një operacion anti-drogë, por nuk u mendua se ai ishte kreu i bandës.
Hetimi filloi dy vjet më përpara
Nga hetimi u arrit të bëhej i mundur dokumentimi i plotë i aktivitetit kriminal të secilit person i përfshirë në veprimtarinë e paligjshme, përmes një veprimi të detajuar hetimor me vëzhgime në terren. E gjithë kjo lejoi arrestimin e 6 personave dhe raportimin e 10 individë në gjendje të lirë, ndërsa u kapën mbi gjysmë kilogramë lëndë narkotike, kryesisht kokainë.
Në fakt, hetimi i pestë, këtë herë i kryer mbi disa subjekte që banojnë në këtë provincë, me precedentë të veçantë, lejoi të identifikojë dhe çmontojë një veprimtari të degëzuar të trafikut të drogës.
Grupi ishte i strukturuar në disa nivele, duke operuar si në furnizim ashtu edhe në shitjen me pakicë të lëndpve narkotike, veçanërisht e llojit të kokainës, midis provincave të Pordenone dhe Venecia.
Ndër personazhet kryesor del edhe emri i Aleksandër Zhava, shtetas shqiptar, i cili me shoqërimin e të dashurës së tij, Lisa Zille dhe Davide Zuccalà, shtetas italianë, iu kushtua shitjes me pakicë të drogave në zonën Pordenone, me një vëllim rreth gjysmë kilogram në muaj.
Nga ana tjetër, Zhava mori drogën nga bashkatdhetarët Jashar Tusha, Kristjan Doda dhe Tonin Ndoci, si furnitorë të nivelit të parë, dhe më vonë, si furnizues të nivelit të dytë, nga shqiptarët Sulejman Tivari dhe Ali Tivari, të cilët ishin në gjendje t’i garantojnë atij sasinë dhe cilësinë që ai kërkonte, me një qarkullim prej rreth një kilogram në muaj.
Aktiviteti në Pordenone, u realizua edhe nga shqiptari Ivan Bolgan dhe nga italianët Claudio Marrocco, Stefano Ferro dhe Andrea Poletto, shtrihej edhe në krahinën e Venecias dhe, veçanërisht, në zonën e Portogruarese.
