Një 50-vjeçar në Maliq ka ndërruar jetë gjatë rrugës kur po transportohej për në spital.
Policia bën me dije se viktima, në gjendje të dehur ai është rrëzuar në banesën e tij, duke marrë dëmtime në kokë.
Si pasojë e plagëve të marra, familjarët lajmëruan ambulancën, por 50-vjeçari nuk arriti dot me jetë në spital.
Maliq/Informacion paraprak
Më datë 17.02.2023, rreth orës 16:26, ka ndërruar jetë gjatë rrugës kur po transportohej me ambulancë drejt spitalit të Korçës, shtetasi H. B., rreth 50 vjeç, banues në fshatin Zvezdë, Maliq. Nga të dhënat e para dhe dëshmitë e marra familjarëve të tij, dyshohet se ky shtetas duke qenë në gjendje të dehur, është rrëzuar në banesën e tij dhe për pasojë ka marrë dëmtime në kokë.
Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes.
