Shqipëria brenda prillit do të ketë Agjencinë Kundër terrorizmit dhe Ekstremizmit. Agjencia do të jetë në varësi të Ministrisë së Brendshme, e cila është duke përgatitur kuadrin ligjor për krijimin, organizimin dhe funksionimin e kësaj strukture.
Në fletoren zyrtare, tek programi i punës i Ministrisë së Brendshme saktësohet se brenda katër muajve të parë do jetë gati pr/vendimin për krijimin e kësaj agjencie.
Krijimi i kësaj agjencie në kuadër të angazhimit të vendit tonë në NATO, si dhe pjesë e planit të punës BE-Shqipëri kundër terrorizmit, sipas marrëveshjes së nënshkruar nga Ministri i Brendshëm Bledi Çuçi në dhjetor në Bruskel, me Komisioneren për Punët e Brendshme në BE, Ylva Johanson.
