Kryetari i Partisë Republikane, Fatmir Mediu propozoi formimin e një koalicioni qytetar-politik, të thirrur nga protestuesit, si një front i përbashkët kundër qeverisë së Edi Ramës.
Në Asamblenë Kombëtare të Partisë Republikane, Mediu vlerësoi protestën e të rinjve si shpresë për ndryshimin e vendit dhe kërkoi bashkimin e forcave politike.
“Ndërtimi i një koalicioni qytetar politik të thirrur nga protestuesit, studentët, pedagogët, pa asnjë përjashtim politik, si një front i qartë kundër korrupsionit, dhunës, pabarazisë dhe qeverisë së Edi Ramës dhe me një qëllim thelbësor, zgjedhje të lira dhe të ndershme”, tha Mediu.
