Presidenti francez Emmanuel Macron ka refuzuar dorëheqjen e Ministrit të Brendshëm, Laurent Nuñez, pas protestave masive dhe të dhunshme që përfshinë Francën.
Edhe pse kreu i shtetit pranoi dështimet në inteligjencë dhe planifikim operativ, Pallati Elize njoftoi se ministri do të qëndrojë në detyrë për të garantuar udhëheqjen e forcave të rendit në këtë moment krize.
Nuñez mori përgjegjësinë për dështimin e policisë, e cila humbi kontrollin në disa qytete, por Macron vendosi ta mbajë në pozicion për të menaxhuar situatën.
Protestat e fundjavës për koston e jetesës degjeneruan në skena lufte urbane. Sipas të dhënave zyrtare, rreth 2,400 persona u arrestuan dhe gati 1,000 efektivë policie u plagosën gjatë përleshjeve, plaçkitjeve dhe zjarreve.
Presidenti i ka kërkuar ministrit transparencë të plotë për gabimet strategjike dhe hartimin e menjëhershëm të metodave të reja operacionale për forcat e sigurisë.
Opozita franceze po shfrytëzon kaosin për të kërkuar shkarkimin e menjëhershëm të Nuñez, duke rritur tensionet politike mbi qeverinë.
