“Një tërmet kundër Izraelit.” Është fundi i shtatorit 2023 dhe emiri i Abu Dhabit, Mohammed bin Zayed, flet në telefon me kryeministrin Benjamin Netanyahu dhe, në një telefonatë prej 45 minutash, e paralajmëron se lideri i Hamasit Yahya Sinwar po planifikon një sulm kundër Izraelit, një “tërmet”, për të rrënuar Marrëveshjet e Abrahamit.
Këtë e tregon në një artikull të gjatë dhe të detajuar gazeta izraelite Haaretz, e cila, një muaj para përvjetorit të tretë të masakrës së kryer nga lëvizja islamiste, paraqet disa fragmente nga një libër i ri i gazetarit të Channel 1 Shlomi Eldar mbi kulisën e negociatave për lirimin e 251 pengjeve izraelite. Sipas rindërtimit, i bazuar në burime anonime të huaja dhe izraelite, pas asaj bisede me emirin, kryeministri izraelit nuk paralajmëroi për rrezikun e mundshëm dhe të afërt as inteligjencën dhe as drejtuesit ushtarakë.
