Me të drejtë kolegu Mentor Kikia ngrinte çështjen e ngritjes në këmbë të ushtrisë, policisë, madje me helikopterin cougar sepse turistët aventurierë i lënë këmbët në malet shqiptare të thëpisura pa guida turistike.
Një ngritje helikopteri “Cougar” kushton 6 mijë euro karburant, 1 orë fluturim, për ca turistë që kërkojnë adrenalinë në gurët tanë sepse në vendet e tyre i gjobisin për këto aventura.
Ne me të vërtetë, si gjithë popujt mesdhetarë, kemi kanunin e mikpritjes dhe është një gjë për tu krenuar herë pas herë me filma.
Megjithatë kostot për këto kërkim shpëtime janë më të mëdha sesa paratë që shpenzojnë turistët me bukë me vete.
Nuk kam formula për të dhënë sepse nuk paguhem për këtë punë por më duket absurde që vjedhjes që na behet ti shtohet edhe lodhja e kotë për qejfin e ca turistëve me halle.
