Sekretari amerikan i Mbrojtjes, Pete Hegseth, ka reaguar ndaj spekulimeve për mundësinë e një ndihme nga Rusia për Iranin, duke theksuar se Shtetet e Bashkuara po mbajnë një vëmendje të veçantë mbi zhvillimet në rajon.
Në një intervistë për emisionin “60 Minutes”, Hegseth siguroi popullin amerikan se komandanti i përgjithshëm i ushtrisë amerikane është plotësisht në dijeni të situatës dhe do të reagojë me forcë ndaj çdo veprimi që rrezikon sigurinë e SHBA-ve.
“Siguroj popullin amerikan se komandanti i tyre i përgjithshëm e di shumë mirë kush po flet me kë. Çdo gjë që nuk duhet të ndodhë, qoftë publikisht apo përmes kanaleve sekrete, do të përballet me forcë.” Ai shtoi se Shtetet e Bashkuara po “monitorojnë çdo gjë” për të zhvilluar planet e betejës, duke siguruar që situata të mbahet nën kontroll
