Prej më shumë se 24 orësh, lidhja nga Tirana drejt Korçës është përmes aksit Maliq–Moglicë–Gramsh dhe nga Përmeti.
Për shkak të dëmtimeve të rënda që pësoi rruga Librazhd-Pogradec, Autoriteti Rrugor Shqiptar bllokoi tërësisht qarkullimin në këtë aks, jo vetëm për automjetet, por edhe për këmbësorët.
Deputeti socialist Taulant Balla shprehet se po punohet për të hapur një kalim alternativ në vendin që është shembur ura në Dragostunjë.
“Dhjetëra makineri të rënda po punojnë intensivisht dhe pandërprerje për krijimin e një kalimi alternativ në aksin Librazhd-Prrenjas, pas dëmtimit të një ure 30 vjeçare pranë Dragostunjës” tha ai.
